تعاونية الكرامة بالفقيه بن صالح تخلقات هادي 10سنين، بفضل طموح وحلم شباب، لي من بعد ما عاناو من البطالة شافو أنه المنطقة ديالهم عندها مؤهلات طبيعية وبشرية كبيرة وتاقو فيها وبداو تجربة المقاولة!
بمجهود كبير قدرو يزيدو درجة درجة وبداو كيحولو المنتوجات الفلاحية ويسوقوها. واليوم كبرات التعاونية وقدرات تخلق فرص شغل مباشرة وغير مباشرة وكتعاون في نفس الوقت مجموعة من الفلاحين.. ومن بعد ما فرضو نفسهم في السوق المحلي بفضل العمل ديالهم ومجموعة من برامج الدعم لي استفدو منها قدرو يفرضو نفسهم حتى في السوق الدولية. ولي عجبني أكثر هو أن طموح هاد الشباب مزال كبير وعندهم فنفس الوقت رغبة باش يعاونو تعاونيات أخرى باش تستفد من التجربة ديالهم.
السيد عزيز اخنوش رئيس الحكومة المغربية
